Noticia publicada no diario dixital GALICIA HOXE.COM
Confapa-Galicia pide aos pais que non leven aos seus fillos ao colexio o 18 de outubro en protesta polos recortes
A CORUÑA. EP | 11.10.2012
A presidenta da Confederación Galega de ANPas de Centros Públicos (Confapa-Galicia), Helena Gómez, instou os pais a non levar aos seus fillos ao colexio o próximo 18 de outubro en protesta polos recortes e a reforma proposta polo Goberno da Lei Orgánica de Educación (GABE).
Na presentación desta iniciativa, secundando a convocatoria de ámbito nacional da Confederación Española de Asociacións de Pais e Nais de Alumnos (Ceapa), Helena Góemz denunciou a existencia de "compoñentes ideolóxicos" detrás desta reforma e pediu a "retirada inmediata" do anteproxecto.
Así, denunciou que se trata dunha reforma que busca "eliminar" do sistema educativo aos nenos con necesidades de reforzo e desvialos a unha Formación Profesional "básica" e crear "man de obra barata", sentenciou.
Por iso, esixiu o "cesamento fulminante" do ministro de Educación e Cultura, José Ignacio Wert, e a apertura dunha vía de diálogo con todos os sectores educativos "para buscar o consenso na reforma", indicou.
FOLGA DE "PAIS E NAIS"
Coa "folga de pais e nais", que acusou de "histórica", insistiu en que o obxectivo é que as aulas queden baleiras e expresar o "rexeitamento" a uns recortes que, na súa opinión, buscan "o desmantelamento do ensino público".
Tamén mostrou o respaldo de Confapa á folga convocada polo Sindicato de Estudantes para os días 16, 17 e 18 de outubro, e instou os pais a que "acompañen os seus fillos" nas mobilizacións ou as charlas que se celebren nos centros educativos.
No hay comentarios:
Publicar un comentario