O anpa informamos sobre a convocatoria de axuda a merca de libros de texto para o vindeiro curso.
Este ano estas axudas teñen unhas condicións " especiais", que son:
- As axudas son soamente para mercar os libros, non se podrá mercar material didáctico, nin complementario.
- Os libros teranse que devolver unha vez rematado o curso ó centro educativo, excluindo desta obligación os alumnos de 1º e 2º curso de primaria.
A continuación podedes consultar a orde, así como baixar os impresos para a solicitude.
Obxecto da convocatoria e principais novidades:
O obxecto desta orde é convocar axudas para a adquisición de libros de texto destinadas ao alumnado matriculado eneducación primaria, en educación secundaria obrigatoria ou en educación especial, en centros sostidos con fondos públicos da Comunidade Autónoma de Galicia, para o seu uso no curso escolar 2014/2015.
As principais novidades desta convocatoria son:
1. A finalidade das axudas é a adquisición exclusivamente de libros de texto (non se pode adquirir con cargo ao vale material didáctico nin complementario).
Non obstante, o alumnado matriculado en educación especial, así como aquel que teña recoñecida unha discapacidade igual ou superior ao 65% poderá adquirir os libros, material didáctico e complementario que o centro docente determine en cada caso.
2. O alumnado ten a obriga de conservar en bo estado os libros de texto adquiridos na súa integridade con cargo ao importe das axudas, así como incorporalos, ao rematar o curso escolar 2014/2015 (xuño ou setembro, segundo o caso), a un fondo solidario que se constituirá no centro (banco de libros),
Exclúese desta obriga ao alumnado de 1º e 2º de educación primaria, así como o de educación especial e aquel cunha discapacidade igual ou superior ao 65%, nos casos en que o material adquirido con cargo á axuda non poida ser reutilizado.
Laranxus 7 é un espectáculo de títeres dirixido a publico infantil no que se tratan temas como a ecoloxía, a tolerancia, a amizade e a solidaridade.
Trátase dunha lembranza fantástica e festiva do grande circo de carpa alta e bicolor: a historia de dous vellos traballadores daquel circo que lembran agora con marionetas de fíos as glorias do seu pasado na pista. Nun permanente xogo participativo co público, van aparecendo os números máis importantes daquel vello circo xa desaparecido: o home máis forte da Península Ibérica, o malabarista máis divertido e bailadeiro do mundo...
Hai pequenas que son xigantes, como Barbadac, a ogresa, filla do ogro que gardaba o tesouro das botas de sete leguas até a chegada de Polegariño. Barbadac escolleu non gardar tesouros, senón compartilos, como Petipuá, a pulga artista, que quixo levar o seu espectáculo a todas as partes do mundo, incluída a Illa dos Salvaxes, e demostrou que non hai límites nin fronteiras para conseguir o que desexas, nin aínda sendo pequena coma unha pulga. E hai pequenas cunha imaxinación grande, coma Nadiña, que é quen nos conta as historias de Barbadac e Petipuá, quen nolas presenta con bailes, con cancións, con alegría e cunha forza enorme. Hai grandes pequenas e grandes pequenos, tan grandes que poden cambiar o mundo ao seu xeito.
Unha visión optimista da vida, que amosa que con esforzo e confianza nun mesmo, se pode conseguir aquilo que realmente desexamos. A obra trata das relacións entre avós e netos, desde a visión da protagonista, Laia, unha nena de 7 anos. Un espectáculo que mestura Teatro musical, máxia cómica, animación musical e a constante participación do público.
A Adela regaláronlle uns preciosísimos zapatos de charol. A ela gustábanlle tanto que non os quería quitar nin para durmir.
Na noite de Nadal o padriño regálalle a pequena Clara un crebanoces con forma de boneco. De tanto partir noces, o boneco acaba rompendo e Clara desgústase moito. Para consolala o padriño contaralle a historia do boneco Crebanoces, xa que o Crebanoces en realidade é un valente personaxe que loitou co seu exército de xoguetes contra a raíña dos ratos.
Nun bosque onde vivían moitos animáis algo pasou que fixo ladrar ao can...
Obxectivos dos nosos contos:
Hai algún tempo nun estanque galego vivían felices moitos animáis e tamén unha rá chamada Margarita moi pouco respetuosa co medio onde vivía e cos seus compañeiros e veciños, un día sucedeu algo...
Chincha Rabincha é un espectáculo orixinal no que se entrelazan as vidas dun pallaso paroleiro, dun bruxo pintor de soños e dun pequeno para acabar cos pesadelos que atormentan aos nenos e nenas polas noites.
Quintiño é un neno moi imaxinativo. A noite antes de saír a navegar no barco do seu avó - "O Rei dos Mares"-, o noso amigo embárcase nunha viaxe ao mundo dos soños; no océano infinito da imaxinación, distínguense dúas illas: a dos "Felices Soños" protexida polo Gobernador Zeta e o seu fillo Felicio -gardián dos soños-, e a illa "Esperta!" rexida polo peor inimigo de todos os durmientes: Pesadelo...
O Apalpador vén a visitarnos en compañía de todos os seus amigos, cunha nova e divertida aventura!