VISITAS

domingo, 28 de mayo de 2017

REVALIDAS 2017 REXEITAMENTO


       

Se o teu neno se atopa en terceiro de primaria saberás que en breve lle será efectuada unha  reválida, a cal as Anpas nos opoñemos. Por elo adxuntamosvos esta información e podedes completala na páxina web de Anpas Galegas http://www.anpasgalegas.org/.



jueves, 25 de mayo de 2017

SUBVENCIÓN EXCURSIÓN FIN DE CURSO

 




Subvención excursión fin de curso

Como o ano pasado imos subvencionar parte do custe da estadía no cámping da excursión de 6º de infantil e 6º de primaria, que organiza o CEIP CHANO PIÑEIRO, a tódolos aqueles socios que teñan nen@s neses cursos e que vaian ir a excursión. Para poder calcular o importe da subvención precisamos coñecer o número de nenos que van ir a cada excursión, polo tanto pregámosche que deposites este papel cuberto na caixa de correo da ANPA co nome d@ nen@, curso(importante), correo electrónico e teléfono, para que poidamos poñernos en contacto contigo e che indiquemos o importe que terás que ingresar en calquera conta da ANPA. Tedes de prazo ata o mércores 31 de Maio. IMPORTANTE: A subvención só afecta á estadía, polo tanto teredes que ingresar na conta do colexio o importe que vos indiquen correspondente ao custe do autobús.

ABANCA IBAN Nº  ES13 2080 5035 0130 4001 5061
LA CAIXA IBAN Nº  ES56 2100 5752 6002 0006 4178


Para calquera dubida chamar o teléfono 611033178(Manuel)

Nome do(s) alumno(s)
Curso








Correo electrónico
Teléfono




domingo, 21 de mayo de 2017

REVÁLIDAS 2017

Rexeitamos as REVÁLIDAS 2017


A Xunta de Galiza ven de publicar, o pasado venres 5 de maio, as instrucións para o desenvolvemento da reválida de terceiro de primaria, a única que aínda permanece daquela ringleira de probas de eliminación que tiña que superar o noso estudantado ata chegar á universidade.
Estas probas, que se anuncian no DOG como unha avaliación para comprobar o grao de dominio en competencia en comunicación lingüística e matemática, continúan a ser a mesma pretendida avaliación que as familias galegas, encabezadas pola Confederación de Anpas Galegas, xa rexeitamos nos dous cursos precedentes cun abandono masivo das aulas nos días da súa celebración, o que tamén faremos nesta convocatoria, porque:
• Non existe unha finalidade diagnóstica cando se rexeita facer unha valoración seria en profundidade, que avalíe non só competencias senón tamén recursos, medios, metodoloxías aplicadas, obxectivos perseguidos, etc.
• Non hai ningunha valoración útil que se realice nun par de días, descontextualizando os resultados das realidades vividas durante un curso académico, cando que hai que estudar cal é a situación coa que se enfronta a comunidade educativa no día a día, cal é o grao de ocupación das aulas, cal é a provisonalidade do persoal docente e orientador, canto é o persoal de apoio, canto alumnado precisa de atención educativa específica, etc.
• Da experiencia de anos anteriores, só se coñece o incumprimento absoluto das consecuencias, as mesmas que o venres saíron novamente publicadas, por parte da Administración educativa, non houbo valoración de resultados nos consellos escolares, non houbo plans de corrección nas programacións xerais anuais, non houbo unha información personalizada ás familias por parte das titoras, non houbo nada do que xustificaba a celebración das probas. Entón, se a diagnose que se pode facer é incompleta, e aínda esa non se utiliza: para que continuamos dilapidando diñeiro público en facer unhas probas inútiles que estorban o normal desenvolvemento do curso escolar e poñen en situación de incomodidade a alumnado e profesorado?
As familias galegas estamos fartas de que se avalíe aos nosos fillos e fillas, xa se fai durante o curso académico por parte das súas titoras, que son quen as coñecen, non é precisa ningunha outra avaliación. Pero si podemos comprender que é necesaria unha avaliación do funcionamento da administración educativa, a que leva anos recortando medios e profesionais para a atención desas nenas e nenos ás que quere avaliar, a que este curso abandonou ao alumnado de 2º de bacharelato que aínda hoxe non ten claro como van ser as súas probas de acceso á universidade, a que confunde a autonomía dos centros escolares coa falta de apoio para o tratamento das problemáticas xerais, a que deixa sen recursos a toda a poboación con necesidades educativas especiais. Ese é o parámetro que hai que avaliar, non a un alumnado que abondo ten con aturar un ensino público mal planificado e peor organizado precisamente por parte de quen pretende avaliarnos.
Por riba, aínda queda algún resto das outras reválidas, as de sexto de primaria, cuarto da ESO ou 2º de bacharelato, que foron mudando de nome e de intención, e pasaron de ser “instrumentos imprescindíbeis” da modernización do sistema educativo, a ser probas mostrais nalgún centro educativo para proporcionar á administración educativa “unha información complementaria á hora de deseñar accións específicas na súa aposta por unha maior calidade do ensino”; traducido: pasaron de ser totalmente necesarias a non servir para nada; o que nós dixemos dende o primeiro día e mantemos hoxe.
Esa é Administración educativa que temos no noso País: xente que é quen de defender unha cousa e a súa contraria segundo o que conveña electoralmente aos seus copartidarios do Goberno central; xente que leva anos xogando co estudantado galego utilizándoo á mantenta como material dun laboratorio externo a nós, que só serviu para entorpecer o seu desenvolvemento académico, e para desestabilizar a súa aprendizaxe nestes importantes anos do ensino obrigatorio.
Aínda ben é que as familias, agrupadas nas asociacións de nais e pais, e con nós toda a sociedade, a directamente implicada no Ensino Público e a que non o está pero o sente como propio, fomos quen nestes anos pasados de ir variando a deriva discriminatoria que a LOMCE impuxo ao noso Ensino, e ir apartando do futuro das nosas fillas e fillos todos os atrancos que aquela xente insolidaria quixo introducir para que o Ensino de todas pasara a ser o Ensino dunhas poucas, daquelas que tiñan os medios privados para superalos.
Moito avanzamos e moito conseguimos, mais nin moito menos todo o que pretendemos, porque a LOMCE continúa a estar aí, e con ela están os erros curriculares, as valoracións ideolóxicas, os itinerarios obrigatorios contaminados de sectarismo relixioso, o desprezo á nosa cultura e á nosa Lingua, a discriminación activa a aquelas ás que aparta do camiño maioritario, e unha ampla casuística de despropósitos que nos reafirma na nosa petición básica, na que agora tamén xa sumamos ao Consello Escolar do Estado: é unha norma que debe ser derrogada, canto antes, non hai outra opción.

domingo, 7 de mayo de 2017

XORNADAS DE ANPAS GALEGAS E FAVALMI CO TEMA "INNOVACIÓN EDUCATIVA"

Xornadas de Anpas Galegas e Favalmi co tema "Innovación educativa"

Estimadas familias.

O vindeiro sábado día 20 de maio organizado por Anpas Galegas e Favalmi, imos realizar unha xornada enfocada a innovación educativa e gostarianos que participases. A xornada será no colexio de Panxón ( ao lado da igrexa Votivo do Mar)

Adxuntamos o programa e horarios.Para mais información podedes entrar en xornadasanpasgalegasvalminhor.org.

PROGRAMA
Sábado 20 de Maio
10:00 Apertura da Xornada a cargo das concellarías de educación e Alcaldías do Valmiñor e o presidente de Anpas Galegas, Javier Sánchez.

Apertura do Espazo de Crianzas. É necesario inscribir ás nenas ou nenos. Prazas limitadas.

10:15 Mesa Redonda: Camiños

12:00-12:15 Pausa

12:15 Mesa Redonda: Realidades

14:00 Xantar

16:00 Obradoiros e Falas

18:00-18:15 Pausa

18:15 Mesa redonda: Diversidades

domingo, 5 de marzo de 2017

9 DE MARZO FOLGA EN DEFENSA DO ENSINO PUBLICO

A Plataforma Galega en Defensa do Ensino Público convoca folga en todos os niveis educativos de Galiza para o día 9 de marzo

http://plataformagalegadefensaensinopublico.blogspot.com.es/2017/02/a-plataforma-galega-en-defensa-do_23.html



A "Plataforma Estatal por la Escuela Pública"

9 de Marzo de 2017 folga seral da educación.

http://www.escuelapublica.es/author/ceapa/

        O próximo xoves 9 de Marzo esta convocada unha folga xeral no ensino, en todos os niveis educativos.
        Isto quere dicir que tanto o profesorado coma o alumnado a partir de 2º da ESO, coma as nais e pais do alumnado de menor idade estan chamados a secundar esta folga. Respecto as nais e pais, o xeito de secundar a folga é non levando as súas fillas e fillos ese día a escola ademais de acudir as mobilizacións co resto dos colectivos convocados.
       A amplitude da folga demostrase nas dúas manifestacións que recorreran Vigo, como tamén outras cidades e vilas galegas. Unha esta convocada pola Plataforma galega en defensa do ensino publico e a outra pola Plataforma en defensa do ensino publico de Galicia.


jueves, 23 de febrero de 2017

CHARLA EDUCACIÓN EMOCIONAL



CHARLA EDUCACIÓN EMOCIONAL


Este vindeiro venres día 3 de marzo de 2017 as 19:00 horas no comedor do colexio, celebraremos a charla sobre educación emocional, para aquelas persoas que se teñen apuntado.